कोडं....

एक कोडं मह्या अजुन नाही उलगडलं
समद्यातलं समजतच कसं हो यांना समजतं

हे लेका़चे रईस,गाड्या-बंगल्यांचा यांच्याकडे ऊत
बोलण्यात यांच्या मात्र गरीबांच्या हिताच भुत

टीचभर खळगी भराया हातभर राबतो आम्ही
तेव्हा कोठे भेटते आम्हा कोरभर भाजी भाकरी

खाऊन खाऊन ढेरीचा घेर वाढलाय तुमच्या
आमची पोटं मात्र खपाटीला गेलेली

बडवा छात्या तुम्ही तुमच्या तकलादू देशप्रेमाच्या
ढोल ताशे तुतार्या अन् पिपाण्या समाजसेवेच्या
होऊ द्या चर्चा तुमच्या नसलेल्या प्रामाणिकतेच्या

काळ्या मातीशी ईमान राखीत राबराब राबतो आम्ही
काळ्या मातीतुनच सोनं उगवतो आम्ही
नफ्यापेक्षा जादा तोटाच सहन करतो आम्ही

आमच्या टाळुवरचं लोणं ढापणार्या गिधाडांनो
नका लावू आमच्या अस्मितेची बोली

आमच्या अस्मितेचा सुर्य उगवायचा अजुन बाकी आहे
उगवल्यानंतर मात्र तुमची दाणादाण निश्चित आहे...

नितीन कुलकर्णी, पुणे